各位會員： A12 接獲 Champs Bar 正式通知，由於轉變營運模式及營業時間（至晚上10時），故此未能繼續與 A12 合作安排睇波活動。 A12 於 Champs Bar 舉辦睇波活動轉瞬已有十多年，除了成為了本地利迷毋需預約的聚腳地外，也經常有訪港利迷到來一聚，共同支持紅軍。我們一起在 Champs Bar 經歷過無數次的高低起伏、緊張刺激、喜怒哀樂及救心時間，現時要告別 Champs Bar，自然是感到不捨，但這也是一個時代的終結。 我們衷心感謝 Champs Bar 在過往十多年對 A12 及眾多利迷的支持。我們亦開始物色其他場地，在將來繼續為各位安排睇波活動。 A12啟
2018年4月，A12 Channel正式啟播！呢個係A12嘅新嘗試，希望以全新角度，將更快更新嘅利記資訊帶俾大家！A12 Channel嘗試過不同題材：新波衫開箱、朝聖Vlog、 採訪利物浦足球學校開幕，以及主打節目：【晏菲路十二號】，大家可以喺Facebook或Youtube收睇/收聽我地嘅節目。精彩內容，千祈唔好錯過！ 打頭陣第一個節目，我地邀請到靚女利迷 Kit張敏潔 帶大家唱遊晏菲路，一齊感受佢當日朝聖嘅喜與樂。 <span data-mce-type=”bookmark” style=”display: inline-block; width: 0px; overflow: hidden; line-height: 0;” class=”mce_SELRES_start”></span> 【晏菲路十二號】：A12 Channel 主打節目，每集請來唔同利迷嘉賓，等佢地同聽眾分享下自己捧利記嘅心路歷程。以波會友，傾下波經。當然唔少得總結或預測利記不同賽事，Facebook Live節目亦會和聽眾即時互動，探討球隊或個別球員近況或戰術。 <span data-mce-type=”bookmark” style=”display: inline-block; width: 0px; overflow: hidden; line-height: 0;” class=”mce_SELRES_start”></span> 利物浦國際足球學校(香港) 於2018年7月正式開幕，A12 好榮幸得到足球學校邀請參與其中，實在要特別鳴謝張校長嘅好意。我地好開心可以搵到張校長分享辦學理念之外，亦好高興可以同利記名宿史米沙暢談利記嘅人和事，事不宜遲，去片！ <span data-mce-type=”bookmark” style=”display: inline-block; width: 0px; overflow: hidden; line-height: 0;” class=”mce_SELRES_start”></span> 📸訂閱A12 Channel (Youtube)📹：https://www.youtube.com/channel/UCgoHCDAoBk-bAsjQCAt6W0Q/
