2018年4月，A12 Channel正式啟播！呢個係A12嘅新嘗試，希望以全新角度，將更快更新嘅利記資訊帶俾大家！A12 Channel嘗試過不同題材：新波衫開箱、朝聖Vlog、 採訪利物浦足球學校開幕，以及主打節目：【晏菲路十二號】，大家可以喺Facebook或Youtube收睇/收聽我地嘅節目。精彩內容，千祈唔好錯過！
打頭陣第一個節目，我地邀請到靚女利迷 Kit張敏潔 帶大家唱遊晏菲路，一齊感受佢當日朝聖嘅喜與樂。
【晏菲路十二號】：A12 Channel 主打節目，每集請來唔同利迷嘉賓，等佢地同聽眾分享下自己捧利記嘅心路歷程。以波會友，傾下波經。當然唔少得總結或預測利記不同賽事，Facebook Live節目亦會和聽眾即時互動，探討球隊或個別球員近況或戰術。
利物浦國際足球學校(香港) 於2018年7月正式開幕，A12 好榮幸得到足球學校邀請參與其中，實在要特別鳴謝張校長嘅好意。我地好開心可以搵到張校長分享辦學理念之外，亦好高興可以同利記名宿史米沙暢談利記嘅人和事，事不宜遲，去片！
📸訂閱A12 Channel (Youtube)📹：https://www.youtube.com/channel/UCgoHCDAoBk-bAsjQCAt6W0Q/