MakeUsDream_Anfield's 12th

近千人於港九新界三個場地觀賞歐聯決賽

2018年或者係Anfield’s 12th嘗試最多「第一次」嘅一年。
2018年3月,A12好榮幸成為球會亞洲代表,LFCTV來港拍攝球會主要贊助商Western Union嘅全球利迷紀錄片,內容為有關利迷同利記名宿嘅互動片段。原本各位參與活動嘅會員被告知只係同麥卡迪亞「視像對話」,直到對話末段麥卡迪亞真人竟然開門行入黎!仲每人送咗一件簽名波衫!每個會員都感到十分驚喜及開心!
另外,踏入2018年,以埃及文明三子為首嘅利物浦於歐聯淘汰賽愈踢愈有,並一路殺入決賽。事隔十年再次打入歐聯決賽,A12決定同時安排於兩個場地(Champs Bar 及Sports Bar@熊貓酒店)舉行睇波活動。然而利迷嘅熱情遠超我們預期,原定近600名額迅速爆滿,得到有線電視及SFALO 飛龍球衣專門店,A12最後加開SFALO Soccer Stadium 飛龍室內足球場作第三個活動場地。另外,歐聯決賽前一晚我們於Facebook Live直播大抽獎,送出超過60份禮物,再運送到各個場地於比賽日頒給幸運兒。分途在港島、九龍東及新界南3個場地同時舉辦逾800人的睇波活動,係A12另一新紀錄,非常感謝當晚出席嘅利迷、場地工作人員及贊助商。可幸當晚過程大致順利,過程錯漏缺失難免,實在感謝各位利迷的包涵及指正。
最後雖然決賽飲恨只得亞軍,但相信利迷滿意球隊全季表現,對球隊嘅未來感到正面。
A12歐聯決賽_Champs Bar
一如以往,Champs Bar於決賽當晚全場爆滿。
A12歐聯決賽_panda hotel
有線電視於決賽當晚黎到熊貓酒店現場採訪。
A12歐聯決賽_飛龍室內足球場
飛龍室內足球場開放報及後亦迅速爆滿。
2018年7月中旬開始,A12於不同地點舉行會員招募日,反應非常熱烈,感謝各位對A12嘅支持及信任。首日Moko新世紀廣場A12會員招募日高峰時段更有數百人在排隊輪候,多日招募日能順利舉行實在有賴各位利迷嘅耐心等待及體諒。18/19球季亦是A12首次衝出香港,於澳門舉行會員招募日。感謝澳門利迷支持,當日大家嘅反應十分踴躍。
A12 Channel係A12於2018年成立嘅全新多媒體頻道,於Facebook或Youtube播出,希望以重新互動形式帶更多更新利記資訊俾大家,節目有唱遊晏菲路、新球季波衫開箱、利迷訪問、利記活動採訪等。
新球季,新嘗試!A12於18/19球季起於A12 Channel推出全新節目:<<晏菲路十二號>>,每集以不同角度探討球隊表現,亦會邀請不同利迷嘉賓於節目分享捧利記嘅原因或趣聞。
利物浦 (香港及澳門) 官方球迷會