A12_logo_olschkmo

Anfield’s 12th獲正式授予官方球迷會(OLSC)資格

2017年對於Anfield’s 12th係驚喜又難忘嘅一年。2017年對利物浦和Anfield’s 12th都有特別意義:利物浦成立125週年及A12成立10週年!

2017年3月,Anfield’s 12th Facebook 專頁10,000 likes達成!呢個數字對比其他專頁可能微不足道,但每個like都化表住各位利迷對Anfield’s 12th嘅支持及厚愛,亦係推動Anfield’s 12th做得更好嘅原動力。

同一月份,LFC World移師香港舉行,五位名宿:麥卡迪亞、史米沙、貝加、加西亞及希比亞一連五日出席不同活動與利迷見面。其中重頭戲要數於Anfield’s 12th Home Place@Champs Bar舉行嘅名宿之夜,當晚大會安排了互動及問答環節,親切的名宿與一眾利迷打成一片。之後一眾利迷及名宿一同觀賞利物浦對阿仙奴嘅比賽,利記最後順利以3-1贏出。

2017年7月,利物浦事隔十年再度訪港參與英超亞洲挑戰杯,全港利迷陷入瘋狂。利記訪港嘅一星期,A12於Facebook全程報導球隊活動及行蹤,與利迷一齊追星。比賽日除了與一眾利迷於南看台落力打氣,A12亦訂製了巨形直幡,希望可以複製晏菲路KOP看台嘅氣氛。香港利迷於兩個比賽日將香港大球場變成晏菲路,連領隊高普都大讚大球場嘅氣氛就好似50%晏菲路一樣。最終利記於決賽擊敗李斯特城成功捧盃。

其中最意想不到的是,A12於利記訪港時獲邀與OLSC部門球會代表見面。會面其間,球會對A12過去嘅努力表示肯定及讚賞,並提議A12申請成為官方球迷會。挑戰盃過去後,A12短時間內即整理好Portfolio,然後送去球會提交申請。

經過數個月等待,A12最終獲球會正式授予官方球迷會資格,並於2017年11月15日更名為利物浦(香港及澳門)官方球迷會 – Anfield’s 12th。成為官方球迷會後,A12將會面對更多挑戰,但我地亦明白能力越大責任越大,A12上下定必繼續努力服務利迷,推動更多人加入利迷大家庭。

延伸閱讀(A12幹事自白):2017/18球季 – 利記夢 我(們)的神奇旅程

 

 

 

利物浦 (香港及澳門) 官方球迷會