利記消息

Liverpool FC OLSC Hong Kong Region & Macau - Anfield's 12th

4 hours 42 minutes ago

【叉滿電】 文尼準備好重新出發。 「目前狀態比上季好得多。我認為休息對每一個球員都係重要,今年係我加盟利記後,首次有足足四個禮拜抖暑,對我有好大幫助。」 「由第一日入營開始,我見到大家都比之前精神爽利,實在係難以置信,我唔係投訴一年得一、兩個星期假,而係有額外休息絕對有幫助。」 「話就話放假,其實每個人都有個人訓練要跟從,不過咁都有幫助,因為可以令大家繼續有好嘅狀態,番到黎報到第一日已經準備好再次出發。」 「老實講,包括我自己,大家都明顯地狀態更佳,精神疲勞會影響心理,我地要適應,但認為休息就係最佳方法。」 「今個夏天大家終於都有機會真真正正抖抖,相信對我地係一個優勢,大家已經準備好應付新球季。」 「雖然操練真係好辛苦,但整體都係發展順利。星期二大家踢咗三十分鐘寓賽於操,黎緊星期五又有一場重要賽事要力爭勝利。大家體能上都適應番比賽要求,我地好期待呢場比賽。」 「季前準備首要當然係重拾番體能,其次當然要加強把握力,作為前鋒嘅職責就係要入波,當中包含無數訓練。除此之外,心態亦要調節,黎緊呢季競爭會更大,有時就係需要強心臟去面對唔同挑戰。但我地有良好精神面貌,心理質素亦上佳,新一季會係有趣嘅一季,真係好期待。」 「講真上季並唔係個人理想嘅球季,我知道嘅!我成日都話人有高低,我相信下季唔會再一樣。我比上季準備更充足,身心都變得更強,黎緊會係一個令人興奮嘅球季。」 「下季將會見番我嘅笑容,好肯定會係一個困難嘅球季,同時對利記會係另一個偉大嘅球季。」 「見番雲迪克、高美斯及馬迪普絕對令人鼓舞,唔只我一個,所有球員及利迷都會好開心見番佢地再次操練。每一日我都會向佢地問好︰『朋友,感覺如何?』,人人都齊齊整整絕對係妙不可言,大家都知佢地嘅實力,作為一個團隊,有番佢地係好重要。大家終於再次笑容滿面,好期待黎緊一齊創造一個美好嘅球季。」 「呢四個星期大家會朝夕相對,共渡歡樂時光,講真真係未試過,但我過得好開心。我地有時會一齊出去遊山玩水,好似星期三咁,我見識到有啲隊友原來唔係好識游水,我嘗試推基達落水,佢就好唔想!我覺得呢啲生活日常相處對團隊係重要,大家一齊充滿歡樂,我地成功建立出一種特別關係,大家慢慢就好似一家人。」 www.liverpoolfc.com/news/first-team/438612-sadio-mane-interview-i-feel-refreshed-and-ready-to-go #LFC #YNWA #WeAreAnfields12th #A12HKMO #A12OLSC #A12LFC

Liverpool FC OLSC Hong Kong Region & Macau - Anfield's 12th

9 hours 10 minutes ago

【Paul Gorst Q&A 22/7】 Paul Gorst不定期Q&A同利迷互動傾吓波,當中包含佢所見所聞嘅球會消息及個人意見,最新重點如下︰ 球員動態 - 菲臘斯可按照意願離隊,轉會費約一千五百萬鎊 - 軒達臣唔會今個轉會窗離隊 - 假如歷高·威廉士離隊,高美斯及巴特利會係右閘替補 - 極希望盡快與沙拿續約 - 奧歷治及沙基利最少一人會走,佢地嘅去留最直接影響利記引援計劃 - 縱使波圖方面聲稱係借用,但古積已唔再係利記球員 - 張伯倫會嘗試踢九號位 轉會傳聞 - 沙拿換麥巴比唔會發生 - 無聽聞用奧歷治及沙基利加錢換沙爾·尼古斯 - 保雲係前線眾多收購目標之一,並唔代表一定會出價,一般每個位置嘅目標人選都有幾個,就等同上季施美卡斯及祖達喺四名左閘目前及三名前鋒目標中成為最終加盟嘅球員 - 呢一刻首要目標係買中場,其次係前鋒 個人意見 - 感覺上似軒達臣經理人放風希望有更多叫價力,從投注角度,會下注佢喺利記踢到掛靴 - 放走雲拿當係錯誤 - 預計費明奴會兩年內離隊 - 艾達瑪‧查奧爾係個人心儀轉會目標,係一個理想替補 #LFC #YNWA #WeAreAnfields12th #A12HKMO #A12OLSC #A12LFC

Liverpool FC OLSC Hong Kong Region & Macau - Anfield's 12th

11 hours 10 minutes ago

【羅拔臣報到】 羅拔臣今日會成為最新一位到奧地利會合大隊嘅成員,開始齊人喇! #LFC #YNWA #WeAreAnfields12th #A12HKMO #A12OLSC #A12LFC

Liverpool FC OLSC Hong Kong Region & Macau - Anfield's 12th

13 hours 10 minutes ago

【A12撐利記 - 季前熱身賽3】 A12睇波活動︰未有安排 對手︰緬恩斯 (中立場) 開賽時間(香港時間)︰24/7 (六) 00:15 估計球衣顏色︰米 直播︰LFC TV 傷病︰無 停賽︰無 #LFC #YNWA #WeAreAnfields12th #A12HKMO #A12OLSC #A12LFC

Liverpool FC OLSC Hong Kong Region & Macau - Anfield's 12th

15 hours 10 minutes ago

【丹尼‧英斯29歲生日快樂】 Happy birthday ex-Red Danny Ings #LFC #YNWA #WeAreAnfields12th #A12HKMO #A12OLSC #A12LFC

Liverpool FC OLSC Hong Kong Region & Macau - Anfield's 12th

23 hours 40 minutes ago

【傷癒復出】 基利赫因傷未有喺星期二披甲上陣兩場友賽,但可以星期五出戰對緬恩斯。。 #LFC #YNWA #WeAreAnfields12th #A12HKMO #A12OLSC #A12LFC

Liverpool FC OLSC Hong Kong Region & Macau - Anfield's 12th

1 day 2 hours ago

【奧地利集訓日誌(五)】 里達斯奧地利集訓日誌第五回。 ---------- 今個星期熱身賽終於開始,結果兩場都打成一比一。 正面黎睇,起碼冇人受傷,其次好多年輕球員得到機會上陣,對佢地黎講係好消息,亦話俾其他青訓學校嘅人知,只要努力,總有機會夢想成真。對年輕球員黎講,最需要就係希望,亦了解到教練團隊嘅要求。內部提升嘅空間係有,有潛質嘅球員都值得機會,只要保持信念及耐性,努力總會有回報。阿歷山大·阿諾、鍾斯、歷高·威廉士、基利赫、域斯·威廉士、菲臘斯及艾利諾等等就係最好嘅證明。下一個即將出現,我地要保持信念。 友賽亦考核到球員及球隊嘅表現,有個人嘅精彩,亦有美妙嘅團隊配合。 安排兩場三十分鐘賽事目的係要為黎緊對緬恩斯作充足嘅準備,我地寓賽於操,效果非常好。星期三回復正常操練及作出調整,避免一啲問題係真正比賽發生。黎緊三課針對戰術訓練,專注喺隊形、理念及培養一啲好習慣,增強比賽流暢度。 我地訓練嘅哲學建基於有邏輯及穩定嘅一週企劃,目標得到發展及進步。訓練需要依照我地獨一無二嘅方法方法進行。黎緊三課係團隊訓練,所以必須要有周詳嘅準備、確定優先次序及給予正確嘅指導。我地著重過程,眼前嘅下一場比賽就係最重要。 星期三早課,施美卡斯使出左腳勁射入網,贏得是日金球,文尼都窄角度左腳轟入,同樣精彩,搞到我都懷疑最佳金球應該由邊個勝出。 年幼隊贏咗年老隊,阿歷山大·阿諾帶隊贏波。上場之後我同佢其實佢之前喺U16入唔少遠射,不如比賽嘗試多啲起腳,可能佢聽到我嘅訴求。 其中兩個練習喺佢地會喺禁區位置得到唔同嘅入球機會,目標當然要送個波入網。年幼隊腳腳七注,想盡辦法將個網擺入網。但最佳表現非基利赫莫屬,佢救波及反應都係痴線,好門將會為你贏到一個賽事。部份年老隊成員甚至爆晒粗。 雖然基利赫有超水準防守,但年老隊仍然入到廿八球,但勝出嘅係年幼隊,證明呢班後生仔超卓埋門質素係致勝關鍵。 星期三下晝休息,我地成班人去到Zell am See湖,佢地聽住音樂飲住雞尾酒划船,放鬆一下。 正如我之前所講,好嘅人組成一個更好嘅團隊,我要每一個球員都覺得我地係一家人,尤其係我地依家朝夕相對,係一個最好嘅機會更了解大家更信任大家。團隊運動最重要就係互相信任。 我、高普、羅賓遜及馬杜斯划住槳船,喺湖中心欣賞動人嘅風景。好彩唔喺呢個時候做乳酸測試,經過四十五分鐘遊船河後,我雙腳好似唔屬於自己! 另一個最開心嘅地方係賀根(Billy Hogan)過去幾日加入我地嘅訓練營一齊共渡時光,團結就是力量,由上至下,由下至上。 寫呢個日誌時啱啱到達食晚餐嘅地方,今日可能又食炸肉扒,但都唔差嘅。一坐低就俾祖達嚇一嚇,佢走埋黎打招呼!好開心再次見番一個精神爽利、狀態唔錯及準備就緒嘅祖達,我地嘅逼搶怪獸終於黎到喇!哈哈! 喺一個風和日麗,山明水秀嘅環境下享受休息時間,人生一大樂事。馬杜斯形容間餐廳係「痴X晒線」,葡萄牙人好少會喺奧地利山脈中享受用膳。 訓練營嘅一切都係無得挑剔,睇到我地嘅分析師Mark同菲臘斯一齊划住槳船交流,呢種互動係美妙。Ray真係好識安排行程活動。 今日就把握時間備戰對緬恩斯嘅一場波,呢一場係我地成長嘅另一步,好希望到時可以見到操練所學到嘅法則及理念會大派用場!喺星期二我地見到部份成果,黎緊要更上一層樓。 下次見! www.liverpoolfc.com/news/first-team/438615-pep-lijnders-training-camp-diary-day-11-kelleher-s-saves-trent-s-shooting-and-a-day-at-the-lake #LFC #YNWA #WeAreAnfields12th #A12HKMO #A12OLSC #A12LFC

Liverpool FC OLSC Hong Kong Region & Macau - Anfield's 12th

1 day 12 hours ago

【祖達 VS 保雲】 祖達及保雲簡單數據比較。 年齡︰ 祖達︰24 (4/12/1996) 保雲︰24 (20/12/1996) 身高︰ 祖達︰1.78米 保雲︰1.75米 主要位置︰ 祖達︰左翼 保雲︰右翼 ---------- 17/18 祖達 (效力狼隊) 英冠︰44場 + 盃賽︰2場 ⏱3672 ⚽18 🅰️6 保雲 (效力侯城) 英冠︰42場 + 盃賽︰2場 ⏱3464 ⚽14 🅰️2 ---------- 18/19 祖達 (效力狼隊) 英超︰33場 + 盃賽︰4場 ⏱2630 ⚽10 🅰️7 保雲 (效力侯城) 英冠︰46場 ⏱3953 ⚽22 🅰️4 ----------